കാലം



                                  കാലം 





         
          കണ്ടു നിൽപ്പതും കാലം 
          കാത്തുവെയ്പ്പതും കാലം 
          ഭൂതമാകുന്നതും കാലം 
          ഭാവി ആവതും കാലം 


          പുതുമയാവതും കാലം 
          പഴമ നെയ്യുന്നതും കാലം 
          നിയമമാകുന്നതും   കാലം  
          നിയതിയാകുന്നതും  കാലം
 
         പൊട്ടി വിരിയുന്നതും കാലം 
         കത്തിയെരിയുന്നതും കാലം 
         മഞ്ഞു പെയ്യുന്നതും കാലം 
         അഗ്നി വർഷിക്കുന്നതും കാലം 


         ജനനമാകുന്നതും  കാലം 
         ജനനിയാകതും കാലം
         കാവൽ നിൽപ്പതും കാലം 
         കാലനാകുന്നതും കാലം 
 

        പുലരി പൂക്കുന്നതും കാലം 
        ഇരുൾ നിറയ്ക്കുന്നതും കാലം 
        ചിരിപരത്തുന്നതും  കാലം 
        കരൾ പിളർത്തുന്നതും കാലം


        ഓർമ്മയാകുന്നതും കാലം 
        ഉന്മയാകുന്നതും  കാലം 
        മാറ്റമില്ലാത്തതും  കാലം
       മാഞ്ഞു പോകാത്തതും കാലം







സൂരജ് 

Comments

  1. gsoorajMarch 4, 2018 at 11:39 AM

    Dear Friends

    New attempt, kindly advise your suggestions and comments
    Sooraj

    ReplyDelete

Post a Comment

Popular posts from this blog

മുറ്റം

Image
പലപ്പോഴും നീണ്ട കാലത്തിനു ശേഷം  നാട്ടിലേയ്ക്ക് തിരിച്ചാൽ , ഹൈവേയിൽനിന്നും തിരിഞ്ഞു   തണലു വിരിച്ച പാതയിലൂടെ വീട്ടിലേയ്ക്കു വണ്ടിയിൽ പോകുമ്പോഴുള്ള മനസ്സിൻറെ കുളിർമ പൂർണ്ണമാകുന്നത്, വീട്ടുമുറ്റത്തെ പഞ്ചസാര മണലിൽ കാലുകുത്തുമ്പോഴാണ്. റോഡിൽ നിന്നും വീട്ടിലേയ്ക്കു കടക്കുന്ന മുറ്റം നല്ല പഞ്ചസാരമണൽ വിരിച്ചു കിടക്കുന്നതുകാണാൻ ഒരു പ്രത്യേക ഭംഗിതന്നെയാണ്, അതിൻറെ എല്ലാവിധമായ അഭിനന്ദനങ്ങൾക്കും അർഹതപ്പെട്ടത്‌ എന്റെ 'അമ്മ മാത്രമാണ്. മുറ്റത്തോട്ടു കടക്കുമ്പോൾ വലതുഭാഗത്തു തന്നെ സ്വർണ്ണ മണികൾ പോലെ നിറഞ്ഞു കവിഞ്ഞു കിടക്കുന്ന ഗോൾഡ് സ്പോട്ട് ചെടിയുടെ വശ്യതയാണ് നമ്മളെ വരവേൽക്കുന്നത്. പിന്നെ ചെമ്പരുത്തിയും റോസും.   മുറ്റത്തിന് അതിരിൽ നിറയെ വൃക്ഷ ലതാതികളാണ്, അതിൽ കണിക്കൊന്നയും , മാവും, ആഞ്ഞിലിയും, കവുകും , ചാമ്പയും, പേരയും , ഒരുപാട് ചെടികളും , പച്ചക്കറികളും പിന്നെ  പേരറിയാത്ത എന്തൊക്കെയോ ഉണ്ട് , അതിന്റെ ഇലകളൊക്കെ വീണ് മുറ്റം നിറയെ കരിയിലകളായിരിക്കും , പക്ഷെ അമ്മ എല്ലാദിവസവും  മുറ്റം തൂത്തു വൃത്തിയായിഇടുന്നതിൽ...
Read more

ഭിക്ഷക്കാരൻ

അന്നും പതിവു പോലെ പരുപരുത്ത ശബ്ദത്തിൽ നീട്ടിയുള്ള വിളികേട്ടിട്ടാണ് ഉറക്കമുണർന്നത്! അതെ പതിവ് പോലെ യുനുസ് മുതലാളി മീനുമായി വന്നതാണ്‌! കരിമീൻ, കണമ്പ് മുതലായ മീനാണ് കൊണ്ടുവന്നിട്ടുള്ളത്. 'നല്ല പിടയ്ക്കുന്ന പച്ച മീനാണ് ' മുതലാളിയുടെ സാക്ഷ്യം!! 'പിന്നെ, അയാളുടെ ഒരു പച്ച മീൻ  പോ കള്ള ഹമുക്കെ " അച്ഛൻറെ പതിവ് മറുപടി , അതൊരു ശീലമാണ് മുതലാളിക്കും അച്ഛനും. മുതലാളി കുട്ടയിലുണ്ടായിരുന്ന നല്ല മീനൊക്കെ എടുത്തു വെച്ചിട്ടു സ്ഥിരം വിലയായ "ട്വന്റി ഫൈവ് റുപ്പീസ് " പറഞ്ഞു പിന്നയും അച്ഛൻ വല്ലതുമൊക്കെ പറയും എന്നാലും , മുതലാളിക്കു നല്ല ഒരു വില നല്കും! മുതലാളിയും മറുത്തൊന്നും പറയില്ല! ഇതൊരു നിത്യ സംഭവമാണ്. അമ്മ മീനൊക്കെ ചട്ടിയിലാക്കി അടുക്കളയിലേക്കു പോകും അച്ഛൻ കുളിച്ചു പ്രാർത്ഥനയൊക്കെ കഴിഞ്ഞു വർക്ക്‌ സൈറ്റിലെക്കും  പോകും, ഞങ്ങൾ,ഞാനും അനിയെന്മാരും കൂടി പ്രഭാത  കൃത്യങ്ങൾ ഒക്കെ കഴിഞ്ഞു ,ഓരോരോ കളിയിലേക്കും മുഴുകും ,വീട്ടിലെ പറമ്പിൽ നിറയെ മരങ്ങളുണ്ടായിരുന്നു, മാവും,പ്ലാവും,ആഞ്ഞിലിയും,കശുമാ വും . അങ്ങനെ നിറയെ മരങ്...
Read more

ഒരു യാത്രയുടെ ഓർമ്മകുറിപ്പ്

  ഒരു യാത്രയുടെ ഓർമ്മകുറിപ്പ് കിടന്നിട്ടു ഉറക്കം വന്നില്ല, നാളെ വൈകിട്ടുവരെ എങ്ങനെ സമയം പോകുമോ എന്തോ? എന്തായാലും വീണ്ടും കണ്ണും പൂട്ടി കിടന്നു, കണ്ണടച്ചപ്പോൾ,മനസ്സിലി നിറയെ തെളിവാർന്നു നില്ക്കുന്നത് ഹരി താഭയാർന്ന നാട്ടിൻപുറവും ,ശോണി മയാർന്ന സായം സന്ധ്യയും,കൂടണയാ നായി പറന്നകലുന്ന പക്ഷികളെയും, പതുക്കെ പതുക്കെ നിദ്രയിലേക്കു വീണുറ ങ്ങുന്ന പ്രകൃതിയും.ഞാൻ കിടക്കുന്ന കിടക്കയില്നിന്നും ജനാലയിലൂടെ പുറത്തേക്കു നോക്കിയാൽ വെള്ളിനിലാവിൽ തലയാട്ടുന്ന തെങ്ങിൻ തലപ്പുകളും,, കുറച്ചകലെ നേടിയവിള ക്ഷേത്രത്തിൽ നിന്നും പതിഞ്ഞ ശബ്ദത്തിൽ കേൾക്കുന്ന പാട്ടും കേട്ടു കിടക്കുമ്പോൾ ശാന്തമായ ഒരു തടാകം പോലെയാണ് മനസ്സ് എത്രയോ നാളത്തെ ഇടവേളയ്ക്കു ശേഷം വീണ്ടും ഒരു സമാഗമത്തിന് തിടുക്കം കൂടുകയാണ്‌ എന്റെ മനസ്സ് .ആ ശാന്തതയിൽ പതുക്കെ പതുക്കെ നിദ് രയെൻ മിഴികളെ താരാട്ടു പാടിയു റക്കി. അന്ന് നാഴികമണിക്ക് ഒരുപാടു പണിപ്പെടേണ്ടി വന്നില് ല എന്നെ ഉണർത്താൻ, അന്ന് പതിവിലും കൂടുതൽ സന്തോഷമായിരുന്നു, നിമിഷങ്ങൾ മാത്രം ഇഴഞ്ഞു നീങ്ങുന്നതുപോലെ!! ഇന്നൊരു പകലുകൂടി കഴിഞ്ഞാൽ, എന്നെ കാത്തിരിക്കുന്ന മാതാപിതാക്കളുടേ...
Read more