സൂര്യ കിരണങ്ങൾ

മഴ എൻറെ അച്ഛന്റെ കരുതലാണ്  മഴ എൻറെ അമ്മ തൻ തലോടലാണ്  മഴ എൻറെ കൂടെപിറപ്പുമാണ് മഴ എൻറെ പ്രിയയുടെ  സ്നേഹമാണ്    മഴയെൻറെ  ജീവിത രാഗമാണ്  മഴയെൻറെ  മനസ്സിൻറെ താളമാണ്  മഴയെൻറെ കനവിൻറെ കനലുമാണ്  മഴയെൻറെ സ്വപ്നത്തിൻ നിറവുമാണ്    മഴയെൻറെ പ്രണയത്തിൻ ഭാവമാണ്  മഴയെൻറെ വിരഹത്തിൻ നൊമ്പരവും  മഴയെൻറെ കണ്ണുനീർ തുള്ളിയാണ്  മഴയെൻറെ സ്വാന്ത്വന ഗീതമാണ്‌      മഴപെയ്തു നനയുന്ന മലർകളെ പോൽ  മഴയെന്റെ മനസ്സിലെ മലർവാടിയിൽ നിലാവിൻറെ നിർമല നിറവുമായി  മനതാരിൽ കുളിരായി പെയ്തിറങ്ങും    മഴയിൽ തളിർക്കുന്ന പ്രകൃതിയെപ്പോൽ  മഴയെൻ മനസ്സിനെ തൊട്ടുണർത്തും  പുതിയ പ്രതീക്ഷതൻ വിളംബരംപോൽ  മഴയെൻ മനതാരിൽ പെയ്തിറങ്ങും      സൂരജ്‌ 

അന്നും പതിവു പോലെ പരുപരുത്ത ശബ്ദത്തിൽ നീട്ടിയുള്ള വിളികേട്ടിട്ടാണ് ഉറക്കമുണർന്നത്! അതെ പതിവ് പോലെ യുനുസ് മുതലാളി മീനുമായി വന്നതാണ്‌! കരിമീൻ, കണമ്പ് മുതലായ മീനാണ് കൊണ്ടുവന്നിട്ടുള്ളത്. 'നല്ല പിടയ്ക്കുന്ന പച്ച മീനാണ് ' മുതലാളിയുടെ സാക്ഷ്യം!! 'പിന്നെ, അയാളുടെ ഒരു പച്ച മീൻ  പോ കള്ള ഹമുക്കെ " അച്ഛൻറെ പതിവ് മറുപടി , അതൊരു ശീലമാണ് മുതലാളിക്കും അച്ഛനും. മുതലാളി കുട്ടയിലുണ്ടായിരുന്ന നല്ല മീനൊക്കെ എടുത്തു വെച്ചിട്ടു സ്ഥിരം വിലയായ "ട്വന്റി ഫൈവ് റുപ്പീസ് " പറഞ്ഞു പിന്നയും അച്ഛൻ വല്ലതുമൊക്കെ പറയും എന്നാലും , മുതലാളിക്കു നല്ല ഒരു വില നല്കും! മുതലാളിയും മറുത്തൊന്നും പറയില്ല! ഇതൊരു നിത്യ സംഭവമാണ്. അമ്മ മീനൊക്കെ ചട്ടിയിലാക്കി അടുക്കളയിലേക്കു പോകും അച്ഛൻ കുളിച്ചു പ്രാർത്ഥനയൊക്കെ കഴിഞ്ഞു വർക്ക്‌ സൈറ്റിലെക്കും  പോകും, ഞങ്ങൾ,ഞാനും അനിയെന്മാരും കൂടി പ്രഭാത  കൃത്യങ്ങൾ ഒക്കെ കഴിഞ്ഞു ,ഓരോരോ കളിയിലേക്കും മുഴുകും ,വീട്ടിലെ പറമ്പിൽ നിറയെ മരങ്ങളുണ്ടായിരുന്നു, മാവും,പ്ലാവും,ആഞ്ഞിലിയും,കശുമാ വും . അങ്ങനെ നിറയെ മരങ്...